數量詞

出自維基百科，自由嘅百科全書

數量詞係形容名詞嘅數同埋量嘅詞，可以再細分做「數詞」同埋「量詞」。

數詞[編輯]

數詞即係堆嘢有幾多數目。

數詞嘅例子：一、二、三。

量詞[編輯]

量詞係用嚟連結數詞同埋名詞，本身冇意思，一定要同名詞或者實義詞一齊用。量詞通常存在喺亞洲語言入面，例如漢語、韓文、日文、越南話、泰文、孟加拉話、馬拉話等等。

個：中文量詞之一

以中文為例，因為比較少西方話有量詞嘅概念，當西方人學中文嘅時候，會比較難去理解。因為「個」形容嘅名詞比較多，學中文嘅外國人好多時都用「個」去形容大部份名詞。慢慢，反而係由呢班學中文嘅外人掉轉頭影響埋其他中文用者，令個「個」字有變成一個「萬能量詞」嘅趨勢。

量詞嘅例子：把、杯、本、部、張、個

因為唔同嘅地區，有時同一種話嘅唔同方言對同一個名詞都會用唔同嘅量詞。例如：

• 閩南話同粵語叫「一間學校」，而普通話係叫「一所學校」
• 閩南話叫「一粒雞蛋」，廣州話係叫「一隻雞蛋」，而普通話就係叫「一個雞蛋」
• 閩南話叫「一部汽車」或者「一台汽車」，廣州話係話「一部車」或者「一架車」，而普通話就係叫「一輛汽車」
• 廣州話、香港話叫「一個人」，有尐其他粵語方言（例如粵西、粵北地區嘅話）係叫「一隻人」